Breaking News

Kanzera weWard 7 kuBikita South Constituency

odhurisira vagari venzvimbo yakapoteredza

michovha yake pakufamba.Vachitaura nevatori

venhau dzebepa rino vagari vokwaZiki vanoti ,kubva

paZiki kuinda paNyika growth point Nyandoro ari

kuchaja mari inosvika makumi mapfumbamwe

nemashanu emarands ekuS.Africa kana kudarika

(R95/or more).Vachitaura vanoti ivo hunhu

hwakadaro auhutarisirwe kumunhu wakanzera.Vagari

venharaunda dzinoti Checheni,Chedutu,Chinyika

nedzimwe dzakapoteredza voita mutimba napasi

kuinda kwaNyika nokuda kwekushaiwa mari

dzokunze idzo dzinodiwa nevemichovha

pakufamba.Vachitaura vasina kuda kudomwa

nemazita vanoti hunhu hunoitwa nakanzera

wavakavhotera hwavapedza simba.Vamwevo vati

vanoda kuzivikanwa nokuti Chamunorwa vanoti

vadzidza chidzidzo uye sarudzo dza2023

dzatovanonokera.Vanoti kubva zvavaisa bato

reZanupf pachigaro vaiva netarisiro dzokuti zvinhu

zvichachinja sezvo vaivimbiswa huchi

nomukaka.Vatiwo dunhu rashe Ziki radzokera

pachikare apo vakawanda voshandisa mbongoro

nengoro kufamba nzendo refu.Hatina kubata

vaNyandoro kuti tinzwewo divi ravo sezvo nhare

yavo yaive isiri pamasai sai.

More news.